老闆從事海鮮入口商多年，專門入口野生海鮮
日日空運靚靚海鮮供應去餐廳，餐廳特設水缸
D海鮮生猛甘游黎游去，即叫即撈！
🔅太平洋野生饅頭蟹
只有某幾個月份先有既罕有野生品種
蟹肉唔多但肉質細嫩，海水既咸鮮味好濃
🔅龍蝦
質素好到可以直接當刺身食！
蒸完肉質都爽甜彈牙，食完個殼仲可以用嚟煲粥
🔅菲律賓奄仔蟹
睇相都見爆曬膏‼️
d 膏食落似啖啖細滑既蛋黃醬
勁大隻蟹，蟹肉結實，食落啖啖肉都幾爽！
野生既青口同刀貝仲痴住少少海草
餐廳姐姐計時計到岩岩好，熟左開口就食得
肉質鮮美唔會鞋，保留入面既海水味
台灣九孔鮑魚同韓國珍珠蠔既驚喜唔算大
但鮑魚事先處理好內臟都幾加分
最後個粥煮得未算綿密，不過吸收曬海鮮精華
小編唔經唔覺都食左三碗
