呢道海鮮火鍋只係$278一位，
首先會提供餐前小食，再黎雞煲可以任食，之後就上海鮮拼盤，有成7-8款海鮮，（海鮮有鮑魚、龍蝦、花蝦、海參、花甲、龍躉、脆肉鯇），手切牛頭脊，任食海鮮配料，最後仲有埋甜品食，最重要汽水自家製五花茶無限量供應。
海鮮種類亦因應時令改變，超值呀！
餐前小食- 烤牛肉串，落了頗多孜然粉同麻辣，肉質鬆軟，口感香嫩。食落好有新疆風味！
Bb辣雞煲，小辣辣度岩岩好，
味道吾會好咸，雞肉肉質好滑彈牙，少辣少麻，令雞肉好惹味 ，
食前放入油炸鬼，脆卜卜仲吸收哂雞煲既精華，正呀！
1
湯底方面擇左個新鮮蟹花甲海鮮湯底，材料非常豐富，蟹好新鮮好多膏，花甲清甜，南瓜蓉熊仔夠吸精仲味道夠濃郁。
海鮮拼盤，呢道最特別之處就係海鮮可以選擇燒，有邊樣想燒同侍應講就可以，唔洗加錢嫁👍🏻
龍蝦- 龍蝦大大隻，好多肉，擇左燒既方式，肉質爽彈，上泰式醬料做法，好惹味。
個人認為鮑魚當然要用燒既方式最好食，店家燒得剛剛好，煙韌美味。
花甲蒸熟後點兩滴醬汁，醬鮮味提升更高層次。同埋清洗乾淨，無沙。
海參同樣彈牙爽口的， 感覺十分滋補
海蝦鮮甜彈牙，連蝦頭都好好食。
龍躉片同脆肉鯇魚滑肉嫩，魚皮骨膠原豐富。
本地手切牛頸脊
色澤好靚好鮮紅,入口嫩滑牛味香濃。
手打丸
3款最愛牛丸，店家加入小許陳皮，甚是滋味。
最後仲有甜品3.6牛乳布甸，牛奶味香濃，滑溜溜👍🏻👍🏻
