Read full review
2021-05-19
356 views
同女仔朋友過嚟觀塘呢邊行街仲喺度苦惱緊午餐食咩嘅時候經過板神燒日本料理記得之前有朋友講過話板神好好食😋而我都已經好耐冇食過鐵板燒一問之下朋友都同意不如一齊試吓我哋兩個揀咗二人餐，$1080 美國牛肉薄燒呢個餐係最平嘅一個餐，加多$100 $1180，可以食美國牛肉厚燒，或者再加錢 食靚啲嘅A5和牛但係我同朋友都覺得佢個二人餐其實已經有好多嘢食，咁我哋抱住下次再試吓其他嘅心態就叫咗個最平嘅先而且我見到佢送一隻龍蝦 🦞，感覺都幾抵食，睇到佢觀塘分店唔算好大，但係都充滿住日本風嘅感覺，冷氣充足，亦都唔覺得有油煙味 好大浸鐵板味，首先係食前菜， 醃青瓜 食落好清新呢啲天氣咁熱 食咗呢個之後即刻覺得開胃左，時令沙律係 明太子沙律🥗本身我係一個唔食明太子嘅人，當其時見到職員介紹嘅時候我都有少少覺得自己唔會食，抱住唔想浪費食物嘅心態試吓，估唔到一啲都唔腥，而且入口有少少食緊蝦子嘅感覺，卜卜脆好好食，加上甜甜酸酸醬 加埋菜 成個沙律我都食晒🤪🙈接落嚟就係時令刺身，一共有五樣刺身有帆立貝 好鮮甜 ，兩舊甜蝦 赤身 一樣係好新鮮 (吉備奈子 柚子味噌汁係上面) 就係銀色呢個魚生，入口比較濃嘅魚味 加上柚
仲喺度苦惱緊午餐食咩嘅時候
經過板神燒日本料理
記得之前有朋友講過話板神好好食😋
而我都已經好耐冇食過鐵板燒
一問之下朋友都同意
不如一齊試吓
我哋兩個揀咗二人餐，$1080 美國牛肉薄燒
呢個餐係最平嘅一個餐，
加多$100 $1180，可以食美國牛肉厚燒，
或者再加錢 食靚啲嘅A5和牛
但係我同朋友都覺得佢個二人餐其實已經有好多嘢食，咁我哋抱住下次再試吓其他嘅心態
就叫咗個最平嘅先
而且我見到佢送一隻龍蝦 🦞，感覺都幾抵食，
睇到佢觀塘分店唔算好大，
但係都充滿住日本風嘅感覺，冷氣充足，亦都唔覺得有油煙味 好大浸鐵板味，
首先係食前菜， 醃青瓜 食落好清新
呢啲天氣咁熱 食咗呢個之後即刻覺得開胃左，
時令沙律係 明太子沙律🥗
本身我係一個唔食明太子嘅人，當其時見到職員介紹嘅時候我都有少少覺得自己唔會食，
抱住唔想浪費食物嘅心態試吓，估唔到一啲都唔腥，而且入口有少少食緊蝦子嘅感覺，卜卜脆好好食，加上甜甜酸酸醬 加埋菜 成個沙律我都食晒🤪🙈
接落嚟就係時令刺身，一共有五樣刺身
有帆立貝 好鮮甜 ，兩舊甜蝦 赤身 一樣係好新鮮
(吉備奈子 柚子味噌汁係上面) 就係銀色呢個魚生，入口比較濃嘅魚味 加上柚子味噌嘅汁啱啱好中和到，仲有一舊係沙追，係我追問底下職員表示 話係日本嘅鱔
吉備奈子同沙追 真係第一次食，
估唔到香港都可以食到呢啲比較特別啲嘅刺身，
都算幾有驚喜，而且佢擺盤 好吸引好靚
終於要食熱食啦，其實一邊食住野一邊睇住師傅喺度準備食材
每一舉動 我覺得完全係一種視覺享受
見到師傅將個魚皮煎 到好香脆，
到食嘅時候 果然仲脆過薯片
本身我又係好怕食魚嘅人，好怕食到小魚骨，
但係佢呢個銀雪魚肉質比我想像中更加滑同埋有魚油，加少少鹽 簡直係冇得彈，而且魚中間全部都係比較又長又大嘅頭，絕對唔會睇唔到唔小心食咗，
好耐冇食過咁好食嘅煎魚，有驚喜有驚喜！
接落嚟係鐵板燒南非鮑魚，餐牌上面寫住活鮑魚，絕對唔係講假，因為鮑魚真係好新鮮，喺師傅煎嘅時候鮑魚 會有所反應，
到我食嘅時候鮑魚確實好惹味，而且口感彈牙
終於到主角喇 食龍蝦🦞
師傅張蟹鉗同埋龍蝦嘅身體
用返龍蝦嘅膏嚟炒俾我哋食，
龍蝦非常新鮮肉質彈牙鮮嫩，
而且用呢個方法嚟炒 非常香濃嘅龍蝦味
師傅將龍蝦殼俾咗職員，表示會將龍蝦🦞殻煲湯俾我哋飲，
而且我忘記咗講一樣非常令我賓至如歸感到非常高級嘅感覺係，
當我哋坐低嘅時候職員會斟熱茶俾我哋，
但係我同朋友一直都冇飲茶🫖，
職員會主動將我哋嘅凍咗嘅茶轉為熱茶，
無論我哋有飲過定係冇飲過，佢唔係將熱茶再次加喺杯中，而係整杯換掉，呢一個舉動令到我感覺非常高級，令客人無時無刻飲到熱嘅茶，服務的確一流，而且每一道餸菜 食完之後
職員會將所有碟和盤都會收走
枱上面唔會有多餘嘅餐碟，亦都唔會阻礙我同朋友傾偈，呢一點我非常欣賞
每一個餸菜刺身 或者係前菜
都會細心慢慢講解，
令到我唔會唔知自己食緊啲乜嘢
可以更加慢慢欣賞食物嘅味道
品嚐食物
接下來就係食美國牛肉卷，師傅好細心問我同朋友會唔會食蒜頭，所以先至會夾喺當中
非常香嘅牛肉味 ，必須趁熱食，炸蒜非常香脆好似薯片咁，
食完炒飯之後就食櫻花蝦煮菇野菜
野菜加上櫻花蝦非常好食
龍蝦湯我就冇影到相，但係龍蝦湯非常濃郁龍蝦味，將龍蝦嘅精華都聚集喺呢碗湯上面，
師傅仲送我哋食一片麵包，
係牛油焦糖麵包，
估唔到可以將一塊平平無奇嘅麵包變得如此香脆好吃，不過忘記了拍照
師傅話有時候佢哋都會送俾客人吃，
食到呢個額外送俾我哋嘅焦糖麵包
我同朋友都覺得心情非常開心🥳
最後職員送上綠色嘅卷蛋甜品
綠色嘅卷蛋甜點
味道唔錯 但係我忘記咗佢係乜嘢口味
整餐飯 我同朋友都未停過食嘢，一道菜接着一道菜，慢慢聊天，每一道菜都係新鮮熱辣，不知不覺原來食咗兩個小時，呢兩個小時過得真係好快，
呢個價錢食到一個咁高級咁好食 嘅鐵板燒
我覺得非常值得
下次來一定要試吓佢嘅A5和牛
Post
