潮福蒸氣石鍋 (Closed)

有一排冇打邊爐啦，最近天氣時凍時熱，又引返我去打邊爐先，呢間潮福好多分店，佢嘅海鮮好新鮮，價錢又平，打邊爐都吾錯。佢係一個價錢，有自選同任食menu，岩晒我地大胃之人，入去到環境舒適，先嗌左個花膠雞湯鍋，再另外點了不少海鮮，有桶蠔，海蝦， 龍躉，貴妃蚌，聖子 ，黃刀貝，好豐富丫。仲有極上安格斯牛肉，佢嘅牛真係吾錯，入口牛味濃，而且脂肪比例平均，我覺得可以不用煮太熟更加好味。任食menu我地都嗌左吾少，手打丸， 鯪魚滑，菜餃，腸仔，仲嗌左好多菜丫，粟米，金菇， 鮮淮山等等，食物好多元化，而且價錢合理，物有所值。食物環境都好滿意，而服務我都覺得好好，好細心，又會走嚟幫我地加下湯，同好有禮貌，我覺得可以再嚟，帶父母或者一大班朋友嚟食都岩丫。