泰COOL (Papillons Square) (Closed)

將軍澳南近期開左好多新餐廳，真係續間試都有排試🤣海翩滙係海邊一排幾間餐廳整到好似酒吧街咁好有氣氛🤩今次黎食泰國野，樣樣都大大碟，而且味道唔錯性價比都幾高不過餐廳環境就唔算太乾淨，地下同餐枱都好痴痴立立咁餐廳距離地鐵都要行15分鐘左右，唔算好方便/🍢串燒拼盤（大/ $118）串燒拼盤有雞、豬、牛各兩串另外仲有豬頸肉😍有沙爹醬同魚露可以點串燒好食！個人最中意雞肉串燒👍豬頸肉偏薄左啲，但都好食🥗鮮蝦金柚子沙律（$82）柚子沙律酸酸甜甜好開胃😆沙律加左好多唔同既泰式香料，好惹味🤭不過有芫荽，如果唔食既朋友記得落單時叫佢走芫荽🥬鹹魚炒通菜（$68）炒通菜好濃好惹味😉鹹魚有啲太鹹，好彩有飯可以送份量亦好足夠🍛泰式地道豬手飯（$78）豬手好入味好林，配埋飯食一流😚俾左盤酸甜汁都冇點已經夠晒味🍝鮮蝦炒金邊粉（$88）金邊粉係最推介既，因為我自己一向都好中意食phad thai👍呢個雖然唔算係正宗泰國既味道，有啲酸甜茄汁既味道🍅但都好香好好食，加埋啲花生碎一流🥜🥤香芒椰子奶（$36）🍧椰子沙冰（$38）飲品就反而就麻麻，2杯椰汁既飲品都好淡冇乜味，好似飲水咁🍸咸檸七（$28）咸檸七就唔錯，有半粒咸檸檬😋