叫左”逸”, 有25道菜。精選幾個超impressive 的:
沖繩水雲+松葉蟹
-藻類的一種，好滑，微酸，更對比出松葉蟹的鮮甜
蟹膏豆腐
-非常有驚喜的一個菜，好似食緊成隻蟹落肚！蟹膏做的豆腐，好順滑好濃蟹味
-上面加上大量松葉蟹肉，德國黑魚子係面，一口size 就好滿足！
小龍蝦刺身
-龍蝦肉十分爽口彈牙，刺身的龍蝦更顯鮮甜
-蝦頭會用黎整湯
磯燒平貝
-平貝燒得恰到好處，一啲都冇韌，
-七味粉係面，再加埋脆脆的紫菜，更顯貝的鮮。
日本湯葉
-非常之順滑，加埋三文魚子更係提升左個濃郁的豆味
牡丹蝦刺身
-燒香左蝦膏後沐上蝦身，蝦味非常之濃！估唔到做多一步，就令整隻牡丹蝦的鮮味更上一層
吞拿魚醬油積+馬糞海膽
-第一次食醬油吞拿魚加海膽，完全唔洗加醬油已經好夠味。
-馬糞海膽鮮甜度真係冇得輸，好鮮好甜
岩手縣紫海膽
-紫海膽又係另一個味道，回甘味好重，口感較粉嫩，份量十分多！
煮4 hours 南非鮑
-慢煮4 小時，好入味但一啲都唔硬唔韌
-用左蟹膏麵鼓做醬汁，好濃郁的海鮮味
白海膽: 淡雪salt+炸紫菜, 係姐是日三款海膽中最愛的。好滑好鮮，但又好清甜！
大拖羅: 入口即溶，厚切肥美
毛蟹: 毛蟹肉又係另一種鮮甜，肉味比松葉蟹更濃更實，加左蟹醋jelly，微酸更顯蟹香。
