海南少爺 (Closed)

💕前排係海港城行街，物色到依間主打星馬菜嘅餐廳，入面環境舒適，靠窗既位置仲有維港海景!野食都好好食，好值得推介( ´▽｀)～✨ 馬來西亞肉骨茶配經典滷水 $228- 肉骨茶係呢間餐廳嘅推介，眼見好多枱食客都有點，我地一於都試試～我地簡左呢個套餐，原價$178，加$50有多碟滷水拼盤，幾抵食😋肉骨茶湯底濃厚，帶有濃濃嘅藥材味，排骨肉質唔會韌，份量都多，數返都有大約4件～另外仲有其他配料，例如響鈴、豆卜、油條、炸魚皮、炸支竹，浸埋湯汁黎食好正(˶‾᷄ ⁻̫ ‾᷅˵)💕- 另外既滷水拼盤有雞腳、花生、豆腐、豬耳、溏心蛋、酸菜，加$50就可以試到咁多款小食，推薦大家加配😚✨ 椰香海鮮喇沙 $128- 喇沙椰奶味好香，同微辣嘅湯底好夾～配料好豐富，有原隻大蝦、豆卜、魚片、魷魚圈、溏心蛋等等，我地簡左米線底，索哂啲湯汁，好惹味～🤤✨ 炒貴刁 $118- 炒貴刁食落有好香臘味嘅油香，配料有蝦、魚片、臘腸粒、芽菜等～炒得好有鑊氣(≧▽≦)