Video
Read full review
2011-09-16
65 views
19 樓海境真係好正，全落地玻璃，最衰鐵板燒枱大多遠離窗邊，只有一張係對正既，如果坐壽司吧就完全睇唔到海境添 ~ 服務都屬中上級，熱情有禮、面帶笑容，比人種舒服感覺 ~ 菜式創新特別，亦好吸引，出品質數 good ﹗18:00 既餐廳好寧靜好舒服，可以好安心地欣賞 19 樓美麗既黃昏同海境 ﹗本想坐鐵板燒既 window seat，但只得一張，又已被食客 book 左喇。月圓之夜，唯一一張對海鐵板燒枱比人 book 左，仲係只得兩個人，咁都得架咩？兩個人可以霸成張十人枱？牆上裝飾都好特別，入場飾櫃內放既係新鮮和牛同蔬菜。係鐵板燒枱既右手面係放滿不同日本清酒既酒櫃。客人一坐低，由立即預備好調味料喇，芝麻醬同蒜味豉油配肉類，淡豉油配海鮮類，日式鐵板燒都大同小異。飲返杯熱騰騰既綠茶，休息左一陣，就預備 order 開餐喇 ﹗研究完個 menu，發現價錢較一般既高昂，最平一套個人餐每位要 HKD1600，下次先試喇。最後決定 order 二人餐啦，每位都約 HKD1000。醬油茄子，先黎個前菜開一開胃，淡淡既醬油味已完全滲入軟棉棉既茄子之中，簡單、清淡既冷盤清一清味蕾，感覺好奉 ﹗燒鱈魚配牛油
18:00 既餐廳好寧靜好舒服，可以好安心地欣賞 19 樓美麗既黃昏同海境 ﹗本想坐鐵板燒既 window seat，但只得一張，又已被食客 book 左喇。月圓之夜，唯一一張對海鐵板燒枱比人 book 左，仲係只得兩個人，咁都得架咩？兩個人可以霸成張十人枱？牆上裝飾都好特別，入場飾櫃內放既係新鮮和牛同蔬菜。係鐵板燒枱既右手面係放滿不同日本清酒既酒櫃。
客人一坐低，由立即預備好調味料喇，芝麻醬同蒜味豉油配肉類，淡豉油配海鮮類，日式鐵板燒都大同小異。飲返杯熱騰騰既綠茶，休息左一陣，就預備 order 開餐喇 ﹗研究完個 menu，發現價錢較一般既高昂，最平一套個人餐每位要 HKD1600，下次先試喇。最後決定 order 二人餐啦，每位都約 HKD1000。
醬油茄子，先黎個前菜開一開胃，淡淡既醬油味已完全滲入軟棉棉既茄子之中，簡單、清淡既冷盤清一清味蕾，感覺好奉 ﹗
燒鱈魚配牛油香草汁。伴菜茄子、車厘茄、脆肉瓜、香草牛油汁加埋橄欖油，全部撈埋，十足一個暖沙律，新鮮、多汁、爽口、棉滑、醒神開胃混於一身，美味 ﹗鱈魚外脆內嫰，外層煎到金黃香口、內裡則保持嫰滑多肉汁，good ﹗
活波士頓龍蝦，仲識郁同札札跳架 ﹗一般應該先展示比食客見到係活既先會開始烹調，但今次依位女師父忘記左喇。烹調過程中不外乎拆肉炒球、攞蝦膏做汁。大多日式鐵板燒都會再灒酒搶一搶火，助助慶，讓大家精神吓，又可以讓龍蝦肉更爽更香，但原來此店一向唔咁做架呢。
波士頓龍蝦球配蝦膏龍蝦汁，個醬真係好鮮好正好美味，一滴不漏放晒入 ﹗龍蝦球爽口鮮味，炒得香口非常，而且仲保存到淡淡海水味道，全晚最好食既一道菜，好好好食 ﹗
日式香煎鵝肝配鮮菠蘿，好特別既配搭，可減去油膩感。鵝肝未算非常肥美，加醬油同吃，還可以啦。因為鵝肝較油膩，所以大多會配生果或帶酸既醬汁將其油膩感降低。
冷冬瓜沙律，配菜有生蔥段、火箭菜、生京蔥、木魚碎，奇怪地我今次完全無反胃既感覺，居然可以將我由細到大都食唔到既生蔥生京蔥全部食晒落肚 ﹗係咪種唔同呢？冬瓜用日本醬油煨得入味，口感軟腍腍，好熟識既味道，好清涼 ﹗好好食 ﹗
美國牛柳，我當然要最嫰既 3 成熟，朋友仔要食 5 成。肉質入口非常嫰滑，肉汁豐富。係淡口啲囉，仲唔夠熱，有部份仍然係凍架，似乎依位女師父有啲牛準喎，我都知 3 成係好難做。牛味好淡，要加點醬油添味，都算合格啦。伴菜既露荀爽口清甜、冬菇肥美充滿水份、蕃薯粉口帶甜，good good good ﹗全部清晒，好味。
麵豉湯，熱騰騰，我最愛飲湯 ﹗好快又到美聲喇，係時候清一清口腔，飲淡熱湯，添點醃咸左既白蘿蔔、青瓜同牛蒡，好舒服，好優悠既感覺。
蛋炒飯，只加左少量青椒粒同洋蔥粒，無其他材料喇。姐姐見我話唔夠飽，尊登免費送我地每人一隻荷包蛋，咁我唔客氣喇，多謝。個炒飯無咩味道，總之早前食多幾道菜啦。蛋炒飯，無味道，就算加豉油都無補於事 ﹗
柚子雪巴，酸酸地帶甘味，我鍾意 ﹗最啱唔愛甜既我，甘甘甜甜真係幾好味。食左咁多油膩食物，清清腸胃最好。
Post
