朋友仔係尖沙咀返工食過拒地個午市套餐
覺得有驚喜，於是提議晚餐試一試。
去到流尚坊地下見到個指示牌直上4/F
上到門口已經好有日本feel～
門口仲有個木牌仔寫住"備長炭使用店"
可能時間太早既關係，6:30去到全場得我地幾個，可以比我周圍影下相📷
一入門口左手邊有三個魚缸，有龍蝦，鮑魚，仲有好大隻花竹蝦！店內只有30個位。
牆上掛左唔少🇯🇵日本風格的掛畫，頗有特色！
影緊相既時候朋友已經叫定野食！
先嚟左個沙律，灸燒平目魚邊沙律
牛油果加埋平目魚邊仲有我最鍾意既黑松露
❤️感覺幾新鮮！
刺身8種類，款款都好新鮮，尤其帆立貝同吞拿魚，好鮮甜！三個人，一人一片岩岩好👍🏻
A4和牛，100g都有4-5件
入口唔會太油，好怕A5和牛好油膩
所以簡左A4🐮
蟹肉蟹膏甲羅燒🦀
朋友推介去到食浜燒既地方必食！
店員會幫忙整好再放到碟上🍽
蟹膏味好濃郁，仲有一絲絲蟹肉，好香♨️
最後一人叫左兩隻海老
店員會幫你燒好之後剪好哂✂️
完全唔洗自己親自落手🙋🏼
飲品方面，叫左綠茶同櫻花可樂
🍵綠茶可樂可以一試幾特別！櫻花就....🌸
當晚埋左單走既時候，有人訂左房，慶祝生日🎂！下次要再嚟試下個廚師發辦😏
