Read full review
2021-07-13
1415 views
好像很久沒有去皇家太平洋食自助餐了。睇翻紀錄，對上一次到訪柏景餐廳，係半年前既事，不過那時疫情緊張，我只是來外帶下午茶。再數上去，係一年前，都係因為疫情，為安全起見，變成放題形式。依家叫做稍為緩和，可以做回 『正常』既自助餐，大家自己出去睇出去攞嘢食，係開心啲既。啊！介紹番，今期主題，係泰國美食。出去巡一個圈，可以見到，食物款式真係好泰國，尤其是熱葷。凍海鮮、壽司嗰啲都有供應，但我唔係度多講，主力描述下泰式食品仲實際。吃些泰式青木瓜沙律及酸辣鳳爪打開胃口後，見有椰子雞湯，拿一盅回去與朋友分享。幾重椰味的，裡頭有雞件，亦有磨菇粒，足料。熱盤方面，十樣有八樣都是泰式，貫徹主題。泰式咖喱是必需品吧，青咖喱雞、黃咖喱牛，惹味汁醬不一定要配白飯，來幾片烤餅來伴之，也未嚐不可。泰式魚餅、蝦餅、蔗蝦及豬頸肉糯米飯都是香口的小食，岩晒重口味既筆者。另外，燒菠蘿幾乎是為在座的朋友而設。炒海鮮是熱盤中的焦點，香辣惹味的青口、大蝦、蜆肉及翡翠螺，還有炒龍蝦鉗，均是充滿泰式風情。講起泰國美食，又點可以漏左船麵呢！將Buffet既粉麵檔搖身一變成為船麵，豬骨湯及冬蔭公湯任君選擇，配料不會矜貴，牛丸、豬肉丸、紅腸
好像很久沒有去皇家太平洋食自助餐了。睇翻紀錄，對上一次到訪柏景餐廳，係半年前既事，不過那時疫情緊張，我只是來外帶下午茶。
再數上去，係一年前，都係因為疫情，為安全起見，變成放題形式。
依家叫做稍為緩和，可以做回 『正常』既自助餐，大家自己出去睇出去攞嘢食，係開心啲既。
啊！介紹番，今期主題，係泰國美食。
出去巡一個圈，可以見到，食物款式真係好泰國，尤其是熱葷。凍海鮮、壽司嗰啲都有供應，但我唔係度多講，主力描述下泰式食品仲實際。吃些泰式青木瓜沙律及酸辣鳳爪打開胃口後，見有椰子雞湯，拿一盅回去與朋友分享。幾重椰味的，裡頭有雞件，亦有磨菇粒，足料。
熱盤方面，十樣有八樣都是泰式，貫徹主題。泰式咖喱是必需品吧，青咖喱雞、黃咖喱牛，惹味汁醬不一定要配白飯，來幾片烤餅來伴之，也未嚐不可。
泰式魚餅、蝦餅、蔗蝦及豬頸肉糯米飯都是香口的小食，岩晒重口味既筆者。另外，燒菠蘿幾乎是為在座的朋友而設。
炒海鮮是熱盤中的焦點，香辣惹味的青口、大蝦、蜆肉及翡翠螺，還有炒龍蝦鉗，均是充滿泰式風情。
講起泰國美食，又點可以漏左船麵呢！將Buffet既粉麵檔搖身一變成為船麵，豬骨湯及冬蔭公湯任君選擇，配料不會矜貴，牛丸、豬肉丸、紅腸、魚皮餃和韭菜等，愈地道愈平價的食材，愈有泰式味道。
整件非泰式格調的燒牛肉後，可以進入甜品環節，由另一個胃負責。
同樣地，大部份甜點都是貫徹是夜主題，椰汁西米糕、大菜糕及班蘭千層糕等，傳統又夠地道，新派的泰式奶茶凍，夠香夠濃，果真很有飲泰茶既感覺。香芒糯米飯以小匙盛著，一啖一口，吃得方便。
香芒椰皇露清爽怡人，但最讚的，肯肯定係榴槤撻，迷你的一小件，個人獨吞了四件。有食力的話，可以啪多幾件葡撻的。
傾傾講講，唔經唔覺，又到十點大限。
Post
