泰聚 (Closed)

旺角有唔少泰國野揀，咁經朋友介紹，就黎左泰聚。咁佢餐牌都有唔少選擇，唔單止有咖哩食，仲有前菜同小炒等等，揀到有排揀到想食乜。咁最後我地就叫左個泰式小食拼盤、青咖哩牛腩、肉碎粉絲湯。個泰式小食拼盤(小)都幾多野食，兩個人叫呢個都夠，有雞翼、春卷、魚餅等等。咁最好食係個春卷，因為d餡好多，而且係即叫即炸，熱辣辣送黎，非常好味。青咖哩牛腩d咖哩唔算太辣，非常適合唔想食辣嘅朋友。而牛腩方面都幾腍，而且都有好多舊。另外，叫碗白飯就咁low汁食都非常滿足。肉碎粉絲湯都有好多蔬菜係入面。飲品叫左杯龍眼冰，清清地幾好飲，而且都有不少龍眼肉。而我地亦都叫左個椰青飲，因為我地見到好多台都有叫，就想試試。椰青水好清甜，而且有好多椰子肉食。最後我地叫左個椰汁西米露作結。味道剛剛好，唔太甜，而且足料，好好味。