Bellevue Bar and Grill (Closed)

炭燒美國安格斯西冷牛扒伴燒汁牛扒火候啱啱好，雖然係西冷偏有咬口，但整體唔會過韌，肉身中間粉紅，略嫌汁身可再多小小，但侍應主動提供芥末，配搭適宜，加上伴碟的蒜蓉炒豆薯蓉非常香口，令這碟菜生色不少。芥末牛脷南瓜蓉意大利飯牛脷微焦，脆口，易咬，南瓜蓉唔會過咸，下菜前更問我哋意大利飯的軟硬喜好，非常貼心。只是南瓜味不太出，若然加些小南瓜粒到飯中效果可能更好。蕃茄湯及餐包+是日甜品 (士多啤梨慕斯)+煙鴨胸柚子醬沙律跟餐價只是額外加$38，非常超值，湯身creamy，香草餐包亦因應客人數量而免費提供，柚子沙律微酸開胃，再送是日精緻甜品一份，實在值得推薦呢個加配組合。心太軟温度啱啱好，有流心，伴碟亦有心思，配上朱古力碎口感倍增，只是要$98單點，偏貴，沒有訂座折扣不建議加配。唔係賣廣告，但整體真係非常好的體驗，是油尖旺區浪漫西餐的超值之選！環境優雅， 落地玻璃的窗邊位置可以睇哂城市中的景色，店員服務態度好，價錢亦適宜，如果經訂座平日午餐重有優惠，冇限主餐牌定是set lunch，絕對親民首選。