Read full review
2021-03-06
634 views
晚市經過呢間翠華，望入去好似裝修幾靚，同埋好耐冇幫襯呢個字號，就入去試吓。大型木枱對角間開，枱面幾濶，裝修得幾靚。D阿姐好親切有禮⋯⋯不過，我哋唔係入嚟食裝修同service㗎噃！叫左兩個晚餐，一個粒粒豚肉跟薯菜，一個黑椒牛扒跟意粉。先上羅宋湯，非常油同非常辣，應該係辣椒油落重手左。問題係，點解煲羅宋湯會落咁多辣椒油嘅？！個餐包就白白長長，熱熱地加牛油幾好食。主角出場！什麼粒粒豚肉？根本係炸肥豬扒碎上！炸得非常油，同埋切哂D肥豬肉，已經所剩無幾⋯⋯薯蓉同椰菜花幾好食，不過呢啲好難唔好食啩！黑椒牛扒意粉算比較正常，不過牛扒好多筋，又係要切走部分先至食到⋯⋯意粉就軟硬適中。至於凍檸茶⋯⋯咪凍檸茶囉！食完兩個餐，結論係用左176蚊去食配菜。
大型木枱對角間開，枱面幾濶，裝修得幾靚。D阿姐好親切有禮⋯⋯不過，我哋唔係入嚟食裝修同service㗎噃！
叫左兩個晚餐，一個粒粒豚肉跟薯菜，一個黑椒牛扒跟意粉。
先上羅宋湯，非常油同非常辣，應該係辣椒油落重手左。問題係，點解煲羅宋湯會落咁多辣椒油嘅？！
個餐包就白白長長，熱熱地加牛油幾好食。
主角出場！什麼粒粒豚肉？根本係炸肥豬扒碎上！炸得非常油，同埋切哂D肥豬肉，已經所剩無幾⋯⋯薯蓉同椰菜花幾好食，不過呢啲好難唔好食啩！
黑椒牛扒意粉算比較正常，不過牛扒好多筋，又係要切走部分先至食到⋯⋯意粉就軟硬適中。
至於凍檸茶⋯⋯咪凍檸茶囉！
食完兩個餐，結論係用左176蚊去食配菜。
Post