Read full review
2019-07-28
2830 views
今日同幾位不同部門的同事Gathering,我地都有成年幾冇見,其中一位同事係食素食的,所以我們要揀一間素食店,我們突然諗起之前在電視節目介紹一間素食在厚福街,我們都幾想試,所以之前就BOOK左呢間食素食。這裡環境以白色為主,用上多張長枱組成,座位不是太舒適,入面都座無虛席,出面還有幾多人在等候,我們算好彩的一群。大家坐下就梗係要睇下食咩啦,見到餐牌都有好多相俾我們睇到個菜色的樣子,都幾好。後來我地都點算了幾款素食。第一道係香炸蜜香蕃薯條,上枱見都幾大碟,用個好精緻的碟盛載,蕃薯條炸得好脆,好香,仲食到甜蕃薯的味道,呢個如果有啤酒送就好了!第二道係脆香素雞鎚,上枱造型都幾似,咬落原來係豆腐皮卷埋,用雪條棍作雞骨而炸成,賣相幾好,但味道屬一般,沾上蕃茄醬會好啲。第三道係冬蔭蒟蒻麵,味道有少少冬蔭味道,但唔算好似,蒟蒻麵煙靱,但味道偏淡,味道唔突出。第四道係菠蘿素牛漢堡配燒烤醬,漢堡份量算大份,個素牛好似,口感都似牛肉,食落還見到入面有少少紅色,應該係用上紅菜頭做成牛肉的半生熟顏色。包面烘過有點脆,菠蘿用上新鮮菠蘿,好甜味,配埋燒烤醬都幾惹味,唔錯!第五道係蕃茄水牛芝士薄餅,我覺得呢個係最
這裡環境以白色為主,用上多張長枱組成,座位不是太舒適,入面都座無虛席,出面還有幾多人在等候,我們算好彩的一群。大家坐下就梗係要睇下食咩啦,見到餐牌都有好多相俾我們睇到個菜色的樣子,都幾好。後來我地都點算了幾款素食。
第一道係香炸蜜香蕃薯條,上枱見都幾大碟,用個好精緻的碟盛載,蕃薯條炸得好脆,好香,仲食到甜蕃薯的味道,呢個如果有啤酒送就好了!
第二道係脆香素雞鎚,上枱造型都幾似,咬落原來係豆腐皮卷埋,用雪條棍作雞骨而炸成,賣相幾好,但味道屬一般,沾上蕃茄醬會好啲。
第三道係冬蔭蒟蒻麵,味道有少少冬蔭味道,但唔算好似,蒟蒻麵煙靱,但味道偏淡,味道唔突出。
第四道係菠蘿素牛漢堡配燒烤醬,漢堡份量算大份,個素牛好似,口感都似牛肉,食落還見到入面有少少紅色,應該係用上紅菜頭做成牛肉的半生熟顏色。包面烘過有點脆,菠蘿用上新鮮菠蘿,好甜味,配埋燒烤醬都幾惹味,唔錯!
第五道係蕃茄水牛芝士薄餅,我覺得呢個係最普通又最失敗的,因為佢味道一般,芝士味唔出,賣相佢只係將幾粒未切的蕃茄就咁放上面,一啲美感都冇,上面撒上幾條火箭菜,完全係好HEA既感覺
我地四個食左四百幾蚊,但唔係好飽,唯有走去第二度食糖水補數啦。呢間好多都冇咩特色,幫襯一次就夠了。
Post