Read full review
2019-03-12
5477 views
本身好期待呢餐日式法國菜，但係由打電話book台到食完感覺都麻麻地，而且lunch都唔平，要880加一。感覺不外如是，早知去返酒店lunch, 原因如下： 聽電話的職員感覺好唔專業，講左姓名最後又問多兩次本人姓咩⋯⋯而且聽漏曬啲野。去到坐低由頭到尾無人比過menu我睇，我連價錢都唔知，男職員只問我揀5個定8個course, 我答左之後就上菜。餐廳啲位都好闊好舒服，但當日太曬，我話好曬職員答：等一下，曬一陣就無架喇。我無奈樣然後自己坐去另一張凳。女職員有點不滿咁幫我重新擺餐具。問佢拎tissue, 問左兩次都唔記得。仲比我見到有個男職員係bar台位面對住客人自己試酒⋯其實話曬都高級餐廳，點解職員好像無training的普通餐廳侍應，同酒店的完全無得比。本人覺得收得呢個價又自稱fine dining, 最起碼都train下員工。講返食物，質素唔差但心情影響了小小味覺。頭盤三點個海膽都算新鮮，但同日本比真心有距離。之後個日本蠔非常美味，一啖食曬！個湯濃味得黎但係個清湯咁既樣，好好味。最好食係個烤魚，塊皮同魚鱗煎到薯片咁脆，好想食多一份。和牛都很不錯，但沒有入口即溶的口感。海鮮雜繪就一般般，因
聽電話的職員感覺好唔專業，講左姓名最後又問多兩次本人姓咩⋯⋯而且聽漏曬啲野。去到坐低由頭到尾無人比過menu我睇，我連價錢都唔知，男職員只問我揀5個定8個course, 我答左之後就上菜。
餐廳啲位都好闊好舒服，但當日太曬，我話好曬職員答：等一下，曬一陣就無架喇。我無奈樣然後自己坐去另一張凳。女職員有點不滿咁幫我重新擺餐具。問佢拎tissue, 問左兩次都唔記得。仲比我見到有個男職員係bar台位面對住客人自己試酒⋯其實話曬都高級餐廳，點解職員好像無training的普通餐廳侍應，同酒店的完全無得比。本人覺得收得呢個價又自稱fine dining, 最起碼都train下員工。
講返食物，質素唔差但心情影響了小小味覺。頭盤三點個海膽都算新鮮，但同日本比真心有距離。之後個日本蠔非常美味，一啖食曬！個湯濃味得黎但係個清湯咁既樣，好好味。最好食係個烤魚，塊皮同魚鱗煎到薯片咁脆，好想食多一份。和牛都很不錯，但沒有入口即溶的口感。海鮮雜繪就一般般，因為我唔食雞，係師傅特別整比我食既。之前職員係訂位時介紹左好多次佢個signature mango cake, 電話中好像逼人食咁，講到非常特別唔食就錯過，好啦我加左$120去食個cake. 最後！啲芒果又無味又唔甜，有幾片酸，好失望，早知食返跟set甜品。呢個價錢我寧願去隔離半島basement 食法國菜。
最後成餐飯食左3個鐘，感受到日本師傅的用心，如果其他員工都有進步就更加可以稱得上是fine dining， 這間就名過其實了。
Post
