Ba Yi Restaurant

初嚐新疆菜，間野係水街，hku嘅同學仔應該好熟路。午餐時間都要等一陣，一入去係比較昏暗嘅環境，座位都偏逼。牆上有一幅大地圖畫左中亞嘅版圖。呢間仲要有車胎人推介。
新疆手抓飯（＄60）羊肉嘅份量比我想像中少，飯係主角，飯同肉嘅比例係2：8咁。整體調味較淡，羊肉有啲係連骨，由於調味比較少，食落有少少羶。飯就咁食都有啲油香，似油飯咁，仲有啲紅蘿蔔叫做有啲咬口。
小食要左凉拌豆腐（＄48），有皮蛋芫茜，個汁係豉油加啲醋咁，比較普通，收費有啲進取。

手抓飯

涼拌豆腐

另外要左烤羊肉串（＄99），有兩串，好似用劍咁串住啲肉，就咁咬落黎食嘅感覺好Raw，好似野人咁哈哈。計落都唔平，不過食落啖啖肉，冇筋冇骨幾爽嘅。可以再自己加啲孜然香料，可能係香料味濃，呢個食落羊羶味唔重。

烤羊肉串

估唔到香港都可以食到新疆菜，係幾得意嘅體驗。要注意嘅餐廳唔收加一，但係會收翻茶水，一人5蚊。