餐廳都相當大，一共有兩層。
餐廳佈置為文青風格，適合打卡之餘，仲舒服到可以留一日係度做下野。
夜晚去到仲會開晒燈，感覺都幾浪漫
食嘅前一日經openrice訂左位，所以一去到就有位
坐低左之後店員解釋左餐廳係自助形式，出面有餐具、水等等自取，落單都係要自己出去先比錢，後取餐。
1
同男朋友點左三道菜式同兩杯飲品
首先講個頭盤煎干貝章魚龍蝦南瓜泥先，睇落真係好靚，好啱打卡
食落都好正～d海鮮唔會煮得太過火，而且成碟嘅材料嘅味道都好夾。
最中意係個章魚，好爽口但又唔會韌
仲要個南瓜泥好香甜，令到個菜式新清左
煎干貝章魚龍蝦南瓜泥
至於個特製雞中翼就一般般，佢有d似KFC巴翼香雞翼，同埋有少少油。
不過加分係個是拉差辣美乃滋！
拎黎點雞翼真係好惹味之餘，食落會冇咁油膩，如果可以多d醬就好
呢碟會建議有3-4個人先好嗌，因為兩個人食黎講真係有d多
大碟抵食惹味特製雞中翼配是拉差辣美乃滋主食我地就叫左個紅酒牛舌燉飯
佢個汁真係煮得好好，加埋d醋會好開胃
個飯都真係幾足料，而且碟飯其實都好大兜，所以都幾抵食
不過美中不足係牛舌好重牛味，但就韌左少少。
足料開胃紅酒牛舌燉飯
最令我驚喜其實係杯桔梗奶昔，又靚又好飲
佢係由水果打成，飲到有香蕉、藍莓、玫瑰花同埋朱古力味。
飲完覺得好清新、個人都健康左
睇得又飲得，清新桔梗奶昔總括黎講，三個菜式係會飽到嘔嘅，建議兩個人去的話叫兩個菜式好喇～
同埋飲品都幾出色，個人認為呢間餐廳係無論去食飯定飲野都得嘅一間cafe～
