Mokumoku Yakiton (厚福街)

Open Now

Now Closed

同朋友吹水食飯，鍾意去日式居酒屋，氣氛熱鬧，又可以飲酒得來。餐廳剛剛有周年祭，酒類去有好多優惠。叫了一枝空藏清酒，入口幾有勁度，甜味突出有果香，碳酸感不重。前菜山葵莖八爪魚配青瓜，山葵味好突出，好醒神，配爽甜的青瓜啱啱好。三文魚腩刺身，油份足夠，甘香有魚味。跟住叫了些串燒送酒，月見免治豬肉串，肉質彈牙及充滿濃郁嘅肉香及胡椒味，配埋香滑嘅雞蛋汁，口感更柔和。紫蘇豬肉卷，最夾嘅組合，肥膩嘅豬肉配合紫蘇葉，味道好突出，點埋旁邊嘅梅醬，味道更有層次，又減少油膩感。芫荽豬肉卷，芫荽味道好突出，入口清甜又清香，味道淡咗少少，再濃郁啲調味就好一點。豬舌，口感爽脆，自己加了檸檬汁，減低肉臊味。原條燒黃花魚，一夜干處理，魚味香濃，魚油更甘香，結實魚肉加酸汁，幾好味！燒四元豚，口感爽口，size似平時嘅叉燒，但味道簡單啲，配埋山葵莖，同埋旁邊梅漬，日式嘅風味。