一去到見到好大油煙😨我諗因為開放式廚房，抽氣不足又學人賣串燒。。
好彩一陣就無咁大味，位都算唔迫，比左大枱方便我放野都幾好。
落單發現員工架習慣相當唔好，企係Epos機前同你隔幾個位咁落。。方便佢自己囉
小食上到黎先，口水雞翼其實一開二。。。即係29得3隻。。。接近$10隻🙄賣相相當不討好，得幾粒酒樓炸花生同辣汁，咁叫口水雞翼？？？？唯一好處係分開左方便食
串燒$29兩串寫住可以揀豬/牛/雞，我仲以為可以雙拼，但只可以揀一個味😮💨但已經算係今餐最正常。。
呢度米線質感太淋。。。中辣完全唔覺辣,更加無酸味。。。蕃茄湯底全無蕃茄感覺，得兩舊蕃茄角，湯底只有丁點蕃茄味，顏色值頭唔紅，呃你都費事。
腩肉肥肉比例勁高，相堂難想像肥瘦比就超過8:2，但又做唔到肥而不膩，又係無乜味。其他餸不過不失，但絕對唔會感到好味。
後尾有個阿姐拎住比豆槳舞龍咁，倒曬出黎差d淋到我，但完全無唔好意思，淋到一地都一於少理，無打算抹。大佬!又污糟又會跣親人架。
咁差都仍然有分店，又一次證明宜家好多食客無要求，好食同難食都未分到，美食天堂日益沉淪。
