Video
Read full review
2024-05-10
20 views
🔸麻辣風雲🔸🔆餐廳的裝修好古色古香，有啲座位更加好似座坐左係個亭入面咁，好得意。就算唔係坐個啲特色位，都一樣有種中式的風味。 🔆酸菜魚 $286酸菜魚好大盤，魚的份量十足，魚肉滑身，唔會有泥味。另外仲有芽菜酸菜豆卜等的配料，令整體口感更加豐富，表面都幾多花椒及各類香料，味道香口，不過小心咬到佢地會成個口都麻哂呀！佢仲有薯粉墊底，薯粉非常粗同厚實，口感彈牙，食得好飽呀！不過就略微唔係好夠熱，如果佢可以熱辣辣地上菜，個滋味程度應該會加倍呀！🔆炸饅頭 $58饅頭一共有6件，見到佢係由諸葛亮為首的一隻船上菜，只係笑死。件件饅頭都見佢炸到金黃色。其實我一向都好中意食炸饅頭，只係我成日都會好擔心佢地會好油，或者個皮好硬的問題。但今次食的炸饅頭，一咬入口就好酥脆，唔會係硬梆梆，外脆內軟，亦唔會油淋淋，點埋大量煉奶，幸福感滿滿呀！🔆荔枝蝦球 $108依個我地係見到都幾多人叫而想試下的，佢黎到係以成個盆景咁黎，唔講以為佢係拎左成棵荔枝樹出黎，好搞笑。我地見到即係同佢認左幾張相。而蝦球個樣都真係整好成粒荔枝咁，外層用炸的米果粒粒包住個蝦球，而蝦球本人就好彈牙，都幾唔錯。佢另外附上一碟酸甜酸甜的醬汁去點個蝦
🔆餐廳的裝修好古色古香，有啲座位更加好似座坐左係個亭入面咁，好得意。就算唔係坐個啲特色位，都一樣有種中式的風味。
🔆酸菜魚 $286
酸菜魚好大盤，魚的份量十足，魚肉滑身，唔會有泥味。另外仲有芽菜酸菜豆卜等的配料，令整體口感更加豐富，表面都幾多花椒及各類香料，味道香口，不過小心咬到佢地會成個口都麻哂呀！佢仲有薯粉墊底，薯粉非常粗同厚實，口感彈牙，食得好飽呀！不過就略微唔係好夠熱，如果佢可以熱辣辣地上菜，個滋味程度應該會加倍呀！
🔆炸饅頭 $58
饅頭一共有6件，見到佢係由諸葛亮為首的一隻船上菜，只係笑死。件件饅頭都見佢炸到金黃色。其實我一向都好中意食炸饅頭，只係我成日都會好擔心佢地會好油，或者個皮好硬的問題。但今次食的炸饅頭，一咬入口就好酥脆，唔會係硬梆梆，外脆內軟，亦唔會油淋淋，點埋大量煉奶，幸福感滿滿呀！
🔆荔枝蝦球 $108
依個我地係見到都幾多人叫而想試下的，佢黎到係以成個盆景咁黎，唔講以為佢係拎左成棵荔枝樹出黎，好搞笑。我地見到即係同佢認左幾張相。而蝦球個樣都真係整好成粒荔枝咁，外層用炸的米果粒粒包住個蝦球，而蝦球本人就好彈牙，都幾唔錯。佢另外附上一碟酸甜酸甜的醬汁去點個蝦球，好醒胃。
🔆酒釀丸子 $38
突然見到有酒釀丸子，好想叫一個試下，依間的酒釀丸子質地係偏杰身，同埋比較甜，但桂花味幾香。中意甜食的朋友都可以試下，不過如果平時都比較怕甜，就可以唔洗叫啦。
🔆Overall食物都幾好食，同埋都好打卡able，地方闊落，價錢合理，可以再encore。
🔆Pleasure指數（滿分5粒🤩）
🐭小姐：🤩🤩🤩🤩+0.5
🦁先生：🤩🤩🤩🤩
📌地址：旺角彌敦道628號瓊華中心10樓
⏰用餐時間：不詳，但因為未滿座，都冇人趕我走
🎐Foods are powerful🎐
#Pleasure食
#Pleasure旺角
#Pleasurer
#hkfoodie #foodie #hkfood #hkeat #food #foodstagram #hongkongfood #mongkok #dinner #lunch #chinesestyle #gathering #旺角 #旺角美食 #旺角美食推介 #瓊華中心 #酸菜魚 #荔枝蝦球 #打卡#朋友聚餐 #麻辣風雲 @spicy_restaurant_hk
Post
