Video
Read full review
2014-11-21
1712 views
話時話係Openrice寫左九百幾篇食評,就只有一篇食評獲得編輯推介,餐廳就係御膳私房菜.雖然只係得一篇,但係我係唔會為左拎呢樣野而改變我既風格.今次我再次黎到御膳,預訂時說明一行七人BUDGET為每人四百蚊,以海鮮為主,食物都再次有驚喜前菜都有兩碟,這一碟是泡椒雞翼尖,蕃茄和拍青瓜味道算是清淡版,不論辛辣度,咸度和酸度亦是入門之選.用作開胃不錯這個是麻辣鹵味拼盤.由於訂位時已註明她們不食得辣,只可以一道菜是辣,所以呢個拼盤就將麻辣醬分開上.大腸和牛肚依舊鹵得非常入味,咸甜比例十分好,食到停唔到口.手撕雞相比之下總是失色,無辦法,那些大腸既水準太高.砂鍋大蜆豆腐湯(例),已足夠七個人飲碗.蜆肉大得很,足足成十多二十隻左右,食落清甜.湯頭應該以上湯和類似魚湯混合,咸中帶鮮,可能是吸收了蜆既貝鮮甜味.如果個咸度再減多少少,就真係非常好.四川版避風塘炒肉蟹.與一般的不同之處就係多了辣椒乾,風味上更加豐富.那堆炸蒜豆豉當然都係惹味既成因啦,食哂o的蟹後一定要打包蒜,用黎撈麵同飯都好好味.食肉蟹,最爽歪歪當然係食個大肉鉗,啖啖蟹肉既鮮甜又彈牙,肉汁亦不少.新鮮蟹就是不同.蔥燒象拔,將象拔切條再與
今次我再次黎到御膳,預訂時說明一行七人BUDGET為每人四百蚊,以海鮮為主,食物都再次有驚喜
前菜都有兩碟,這一碟是泡椒雞翼尖,蕃茄和拍青瓜味道算是清淡版,不論辛辣度,咸度和酸度亦是入門之選.用作開胃不錯
這個是麻辣鹵味拼盤.由於訂位時已註明她們不食得辣,只可以一道菜是辣,所以呢個拼盤就將麻辣醬分開上.大腸和牛肚依舊鹵得非常入味,咸甜比例十分好,食到停唔到口.手撕雞相比之下總是失色,無辦法,那些大腸既水準太高.
砂鍋大蜆豆腐湯(例),已足夠七個人飲碗.
蜆肉大得很,足足成十多二十隻左右,食落清甜.湯頭應該以上湯和類似魚湯混合,咸中帶鮮,可能是吸收了蜆既貝鮮甜味.如果個咸度再減多少少,就真係非常好.
四川版避風塘炒肉蟹.與一般的不同之處就係多了辣椒乾,風味上更加豐富.那堆炸蒜豆豉當然都係惹味既成因啦,食哂o的蟹後一定要打包蒜,用黎撈麵同飯都好好味.
食肉蟹,最爽歪歪當然係食個大肉鉗,啖啖蟹肉既鮮甜又彈牙,肉汁亦不少.新鮮蟹就是不同.
蔥燒象拔,將象拔切條再與蔥和菇等等炒出來的,味道帶甜,蔥味不算好濃,象拔十分彈牙.味道不錯,只是呢道菜如可以放在開初會比較好,因為我口腔已被避風塘炒肉蟹佔領.
胡椒鮑魚,下了原粒胡椒,味道好香濃,同時辛辣度比較高,醬汁將鮑魚既味道迫了出來,而且本身口感爽彈,是個非常不錯既做法.亦同新加坡胡椒蟹異曲同工
千絲老虎班,起肉再炒,另外骨腩位就用來炸,即一班兩味.調味上沒有特別之處,食到既純是班球既魚味和鮮度.愛食魚又怕骨既我當然十分歡喜!
江南百花雞,就是蝦膠釀在雞肉上.雞肉既部份只有好少,所以味道以蝦膠為主,又一啖啖肉之選.一口就食齊雞肉,雞皮既油脂與蝦膠既甜.
御膳炒飯.呢度出品既炒飯真在很好,用珍珠米來炒,口感煙韌之餘,仲炒得粒粒分明.配料簡單,味道帶甜,應該係用黑醬油來炒.試過呢度既炒飯,就會不斷將其他地方既出品比下去.
最後送上菠蘿鳥,又係一個用心出品既生果盤.用個菠蘿頭加少少心思就成了一隻鳥,好可愛呢.藍莓,士多啤梨,青提紅提,哈蜜瓜,奇異果和菠蘿集於一身.飯後果都食得特別愉快呢.不過呢隻鳥,係要BOOK位既客人先有既,WALK IN應該無得食每人四百元黎講,我又唔敢講係超值,但係食到既,都係心機菜.私房菜就係有呢種Heart.
Post
