今次揀咗間好多人推介嘅米芝蓮一星老字號六福酒家
果然無令我失望！每一道菜都誠意十足 夠晒鑊氣‼️
✨️西貢地道魚湯
個湯底奶白色㗎🥰 係用西貢本地好多種新鮮雜魚熬出嚟
飲落去溫溫醇醇 鮮甜到不得了
仲帶少少番茄薯仔嘅天然酸甜味 好暖胃😆
✨️椒鹽奇脆豆腐
塊豆腐炸到金黃色 一咬落去係脆卜卜㗎
但入面嘅豆腐又滑又嫩 口感一流
✨️椒鹽焗大連鮮鮑魚
咬落去爽口彈牙 鮑魚本身嘅鮮甜味
配埋椒鹽嘅鹹香 真係好juicy好惹味
✨️薑蔥炒蟶子皇配煎米粉
必點‼️蟶子皇隻隻都肥美肉嫩 用薑蔥爆炒得好夠鑊氣
個煎米粉吸晒啲精華 外脆內軟
✨️薑米龍蝦炒球
賣相勁靚勁有誠意🤩
龍蝦肉大大舊 爽口彈牙 配上香辣嘅薑米
將龍蝦嘅鮮味完全帶出嚟 好有層次感
✨️龍蝦泡飯
個湯底超級鮮甜甘香
每一粒飯都吸晒龍蝦湯嘅精華
食落去軟綿綿又滑溜 真係好滿足
✨️避風塘炒肉
今次叫咗少辣 辣度啱啱好唔會搶咗蟹嘅鮮味
啲蒜蓉同椒鹽炒得好香脆 蟹肉又結實又彈牙 鹹香十足
✨️蜜糖欖角骨
排骨炸到外酥內嫩 蜜糖甜而不膩
再加埋欖角嘅微酸鹹香 甜鹹平衡得好好
✨️客家鹹菜木耳炆腩仔
都係驚喜菜式！腩仔炆到入口即化 肉質鬆軟入味
配埋鹹菜嘅酸鹹同木耳嘅爽脆 味道好豐富 好有住家菜嘅感覺
✨️豉油王炒麵
麵條炒得乾身有鑊氣 每條都掛晒豉油嘅鹹香
配埋韭王同芝麻香 雖然係簡單 但係好有水準
✨️醋炒芥蘭
芥蘭炒得爽脆 帶點微酸 清新得嚟又開胃
2
