Kausumisu

金馬倫道出晒名多野食，日本菜嘅餐廳數量都唔少。呢間小店裝修/環境非常之日式，有D似居酒屋style。有幸被安排到坐卡位，有番D私人空間同朋友傾計聚舊。一班人約黎燒下肉，飲下酒都係一個非常之適合嘅地方。

牛蛋極上盛合：厚/薄/肥/瘦樣樣皆全，一次過滿足晒你所有希望~ 牛味唔重但係非常甜美，肉質都鮮嫩唔鞋。

味素飯，溫泉蛋：食起黎有D似牛角飯嘅味道。 味素飯有紫菜碎同埋蝦乾仔，配埋日式甜豉油+溫泉蛋一齊食非常滋味。

湯為冬：正常日本餐廳嘅質素，建議唔好放太耐先食因為會淋晒...

牛匠彩虹水果茶：飲落都幾接近一芳嘅水果茶，可能會比一芳甜DD。用左各種水果，甜得黎帶點酸，非常適合解膩。

芝士奶蓋四季 春：甜度比水果茶低好多，反而覺得如果可以苦少少會更加適合。芝士奶蓋唔係鹹果隻，甜甜地好似厚奶泡咁。