於是乎做完即刻狗衝過來睇下有咩小食岩食。
結果就選中豪大大雞扒！我將我既第一次就咁俾左老銅呢間分店！無錯！我係從來無食過豪大大雞扒架！無論係台灣定香港！
佢既名氣就吹左好耐，炸雞攞上手個下，哇熱辣辣,摸都摸到佢係十分之脆架！而我係嗌左有辣架。以本人食譚仔二小辣既程度來講，豪大大雞扒既辣真係其實我食唔出有辣。（各位為食家自己measure 下啦）😂
塊雞扒，一咬落去，係脆既，但開頭第一啖，覺得咦好似唔係好夠咸喎。
但肉好淋，亦有肉汁，口感唔錯！
但食到後尾，我覺得店家將啲肉唔整得咁咸係岩架，因為咸味會疊加，當食到最後一啖時，個味道係岩岩好。
但你話呢間野既味好驚為天人咩，又唔係喎，好難食咩又唔係喎。
四個字形容佢「正正常常」或者「不過不失」。
