自己一個人係街行吓行吓唔想食正餐
經過嚐仙有一人座位就行咗入去試下😳
先係門口比錢揀咗食咩再拎號碼牌坐低💵
平時有食開鮮芋仙都幾愛台式糖水😋
見呢個地瓜泥黑糖凍出面比較少見😯
職員過一陣就拎住呢碗大大碗台式糖水放係我面前
🥣黃金地瓜泥黑糖凍 冷$47
甜度適中 大大碗睇落份量幾多👍🏻
本身一個人都驚食唔晒👅
地瓜泥望落好似成球雪糕咁
各式食材口感正常配上自由淋上嘅花奶
底部有少量刨冰🧊
係預期中嘅味道 不過不失 價錢合理👌🏻
但我個人偏愛糖水係「料少糖水多」
所以下次再想食台式糖水我都係會揀返鮮芋仙🙈
另外都希望呢間嚐仙改善埋落單既步驟📝
我見好多餐廳坐低手機掃QRcode落單都好方便📱
呢間同鮮芋仙都可以參考下改落排隊長龍/外賣等好多耐外賣情況😣
