Video
Read full review
2022-08-27
4564 views
老人家偏愛中菜，過時過節通常食中菜居多，第一次去完星月居屋企人都覺得餸菜做得幾好，服務親切，又坐得舒適，所以事隔四個月唔使諗再訂枱，順便試吓其他經典菜式😉魚蓉羹、乳鴿同糯米飯幾款經典菜式照舊點，一如既往讚不絕口👍🏻今次最有驚喜係羊腩煲同煙燻倉魚❗️羊腩煲用上新鮮羊肉炆得剛剛好，醬汁調到唔會死咸，亦唔會食到好重南乳味，同一般餐廳與別不同🐑 煙燻倉魚看似簡單，但非常考廚師經驗👨🏻🍳煎到黃金色之餘，味道相當有層次🐟大良野雞卷炒鮮奶係好傳統懷舊嘅順德菜，蘑菇、新鮮蟹肉、蛋白、金華火腿同鮮奶慢慢炒而煮成。雞卷其實係冇雞肉係入面，而係用肥豬肉包住金華火腿炸到超酥脆，勁邪惡😝玻璃明蝦球好大隻，賣相好吸引🦐蝦肉彈牙，仲有一小片炸雲腿，令口感更豐富。糖水今次揀咗合桃糊，同樣足料同好飲☺️
魚蓉羹、乳鴿同糯米飯幾款經典菜式照舊點，一如既往讚不絕口👍🏻今次最有驚喜係羊腩煲同煙燻倉魚❗️羊腩煲用上新鮮羊肉炆得剛剛好，醬汁調到唔會死咸，亦唔會食到好重南乳味，同一般餐廳與別不同🐑 煙燻倉魚看似簡單，但非常考廚師經驗👨🏻🍳煎到黃金色之餘，味道相當有層次🐟
大良野雞卷炒鮮奶係好傳統懷舊嘅順德菜，蘑菇、新鮮蟹肉、蛋白、金華火腿同鮮奶慢慢炒而煮成。雞卷其實係冇雞肉係入面，而係用肥豬肉包住金華火腿炸到超酥脆，勁邪惡😝
玻璃明蝦球好大隻，賣相好吸引🦐蝦肉彈牙，仲有一小片炸雲腿，令口感更豐富。糖水今次揀咗合桃糊，同樣足料同好飲☺️
Post
