1
🍲檸檬牛舌
牛舌非常厚身，咬落彈牙有嚼勁，表面微微烤過，帶點焦香。最驚喜係個柚子醬汁，酸酸甜甜，同牛舌嘅油脂好夾，食完一啖已經想再encore。
🍲糖燒肉眼芯
店員會幫手用砂糖燒熱個鍋，再放入和牛片輕輕煎香。牛肉嘅油花好靚，煮完之後入口即化，肉味濃郁。蘸醬用咗蘭王蛋+無菌蛋，蛋香夠濃但唔會搶咗牛肉嘅風頭，撈埋一齊食真係無得輸。
🍲壽喜燒飯
食完牛肉，店員會用剩低嘅醬汁煮A5和牛，鋪喺塊面之後，最後打隻蘭王蛋上去。蛋黃撈勻之後，飯粒油潤香口，仲有淡淡甜醬油味，雖然好邪惡，但真係忍唔住清晒。
🍲西冷肩胛肉
最後上嘅西冷肩胛肉，脂肪分佈好靚，輕輕一灼就食得。肉質軟嫩得嚟帶點咬口，油脂甘香但唔會膩，係成餐嘅完美收尾。
🍲七品野菜盛盒
食完牛肉之後，店員會上一個七品野菜盛丶，有花菇、豆腐、芋絲、皇帝菜、大白菜同芝士竹輪等等，材料好豐富，吸晒壽喜燒湯汁嘅精華，啲菜又甜又入味，竹輪仲帶啲芝士香，真係好好食！
🍲總結
呢間店嘅肉質同服務好好，店員會細心講解點煮先最好食，而且份量夠，食完超滿足。雖然價錢唔算平，但以呢個質素來講絕對值回票價，特別日子慶祝就更加適合。
11
