麥金.麥金馬來西亞特式茶啡室 (Closed)

近年興起東南亞菜，馬拉菜更加大行其道，這間位於大角咀的麥金麥金，味道是我近來最鍾意的一間，餐廳內外嘅裝修同擺設都令我置身係馬來西亞🇲🇾嘅感覺。▪️大滲 (即是大份量肉骨茶) 配料非常多，除了一字骨同雞腳這些主要材料，還有三層肉、豬手仔、豬肚、豆卜、金菇。唔講唔知，肉骨茶係可免費添飲。還記得要問店員拎蒜蓉辣椒，再倒入黑醬油及頭抽成秘製醬汁，用來點肉骨別有一番風味。▪️砂煲老鼠粉 配料有銀針粉、肉碎、香蔥、洋蔥、炸蔥、炸蒜、蝦米、豬油榨、半熟蛋，將半熟蛋同銀針粉撈勻，口感非常嫩滑，再加上其他配料，鹹香味十足。▪️燒芝士蛋黃奶油原隻波士頓龍蝦 原隻龍蝦開了兩邊，啖啖龍蝦肉，配上燒芝士蛋黃奶油，份外好味。▪️小食拼盤 有雞翼、蝦餅、春卷、炸雞、滷肉卷、串燒，每款各有特色，鍾意唔同口味嘅朋友可以一試。▪️椰香鮮油咖央多士 咖央醬椰香味濃，再夾上厚厚嘅牛油，充滿邪惡感嘅一款小食，但不得不試！