佢哋全新裝修寬敞舒適，環境靚，有梳化座位可以坐得舒舒服服慢慢食🥰 有三間包廂方便公司/私人聚會、慶祝生日等等🤩🤩
喜記正宗炒辣蟹嚟到喜記，當然要食佢哋嘅正宗炒辣蟹！ 可以選擇辣嘅程度，砌返埋成隻蟹賣相靚有氣勢🤩 炒辣蒜非常惹味🫶🏻隻蟹都幾大隻啖啖肉！而且夠新鮮肉質結實又鮮甜！
豉椒炒蜆啲蜆好大隻粒粒飽滿，新鮮鮮甜，份量都唔細，豉椒好香濃但係又唔會搶咗蜆嘅鮮甜味😋 好味道！
瑤柱蛋白炒飯呢個炒飯係我最愛嘅炒飯其中之一！個飯炒得夠乾身，粒粒分明又多料😋食完兩個濃味嘅菜式，清清地食呢個炒飯就啱晒！
呢度上菜又快，店員都幾有禮貌，抵讚👍🏻
