❣️極品牛三寶湯河粉 $71
一碗有齊三樣嘢啱晒我呢啲貪心之人 生牛肉牛𦟌牛丸超重牛味🐄如果係牛魔王嘅話真係必食
粉嫩嘅生牛肉經過湯底溫度嘅洗禮漸漸變色🥩 鬆軟口感同煙靭嘅牛𦟌有強烈對比 至於牛丸都一樣食到牛香味
❣️順化豬肉卷撈檬 $64
加入甜酸魚露成個感覺好清新 爽口檬粉沾上鹹鹹酸酸非常開胃
豬肉卷仲要勁香 咁清嘅面底更能強調肉香
❣️越式炸春卷(2件) $22
包住木耳絲蘿蔔絲粉絲加埋脆皮外層 外脆內軟形成鮮明對比
食落索索聲
❣️越式炸蝦餅(細) $32
份量都幾多 就算點左酸辣醬都無蓋過原先啲🦐味 軟林林哪內涵好軟熟彈牙
❣️椰汁冰 $30
杰撻撻嘅🥥漿勁濃郁 順口至極加上凍飲更上一層樓
❣️鮮芒果西米露 $30
同樣係椰汁底 不過呢個相對冇咁濃 多咗🥭嘅鮮甜同晶瑩剔透嘅西米露 更多重口感
