環境好大好適合一大班朋友黎打邊爐傾傾計
今次試左台式麻辣湯底, 朋友仔驚唔食得辣就叫左酸菜白肉鍋, 一紅一白,有辣有唔辣任均選擇
麻辣湯底又香又麻, 一開頭唔太辣, 湯底越煲得耐辣味就越出,辣得好過癮,而且鍋底仲配有鴨血豆腐
酸菜白肉鍋都係配一碟酸菜白肉,非常足料,湯底微酸,非常開胃
配料方面叫左萵苣, 萵苣爽口清甜, 而且都有好多片仲好厚身
丸類就叫左黑松露蝦丸, 香濃既黑松露味加上彈牙蝦丸, 爽口彈牙, 好食!
仲有半份自家製韮菜餃, 餃子皮又薄又滑,餡料又夠多,濃濃的韮菜香,岩哂鐘意食韮菜既朋友仔
重頭戲出場, 極上雪花肥牛, 脂肪分布均勻, 牛肉味好重, 配上麻辣鍋底令肉味提昇到另一層次
