招牌橋底辣蟹：
嚟得呢度食，梗係要試下個蟹啦，首先蟹鉗都已經好大個，將個蟹鉗剝開仲會見到好多汁喺裏面，一咬落去啖啖都係肉，加埋啲肉汁好鮮美😋有少少辣調下味更加好。
豉汁蒸黃立倉：
未叫之前，見到啲魚仲喺度游緊水㗎，即叫即蒸，唔怪之得食落咁新鮮，肉質又啱啱好，味道唔會太鹹，可以食到原來魚嘅鮮味😋
惹味辣酒煮花螺：
花螺醃得幾入味，有啲酒同埋有少少辣調味係一流的，一隻又一隻係咁食，都容易剝出嚟。
脆皮黃金豆腐：
呢個豆腐真係好味到冇得頂，首先皮炸得好脆，但係食落去唔會覺得油膩，裏面嘅豆腐好鮮嫩，口感十分好，值得一試！
食完晒，餐廳仲會送埋糖水，又食到飽一飽，哈哈
