今次由於叉燒妹和死肥仔準備開學還在暑假假期中，所以特別過來帶他們去食佢哋最鍾意嘅小籠包和擔擔麵，順便為夜晚晚餐嘅打邊爐入貨。
雖然我哋只是三人行，但係由於非常為食😛，又有戰鬥力非常強的發育期中嘅死肥仔，所以我們也點了很多款食品。
🍜擔擔麵湯底濃郁，花生醬味很重，但是不是那種帶肉碎的，所以想吃有肉碎擔擔麵的朋友可能會失望。湯底微辣，對於叉燒妹來說恰到好處，還算可以接受(當然要加杯冰凍可樂解辣😂)。#藉口
🐔口水雞算係一個驚喜，雖然看似份量少少，但是其實很足料。辣油只是輕微辣味，但是雞肉算是皮薄嗰種，因為個人不太喜歡肥膏皮厚，到頭來都係要拿掉。🤪
🥟小籠包係中上，可以稱得上皮薄餡靚，豬肉算是鬆軟，亦有湯汁，不過個人覺得還是覺得鼎X豐排名高一點。
鍋貼生感覺普通，個人口味喜歡起底先得香脆嗰種，暫時佢哋未做到。
生煎包和牛肉餅有少許失望，應該説沒有帶很大期望吧🤷🏻，因為這兩個item一直都是包皮厚但是沒有肉汁，所以乾爭爭口感普通。牛肉餅簡直是慘不忍睹，還是九龍城的那間排名高。
廁所位置屬於商場廁所，幸好離店舖不遠。中午時段到訪人流偏旺，所以有機會要等位，不過商場配套充足，可以接受。另外有街市在對面，總括來說非常方便。下次會再光臨。👍🏻
