樓上大排檔

Open Now

Now Closed

夏天想食大排檔但又唔想熱辣辣，又想環境四正懷舊的話，灣仔的樓上大排檔是十分不錯的選擇。裝修夠晒打卡！餐牌選擇全都是受歡迎菜色。坐低先來兩杯凍飲，青檸梳打、凍奶茶透心涼又解渴！椒鹽鮮魷新鮮即炸起，炸漿很薄，件件都金黃色，好迷人！食落好脆！鮮魷肉質彈牙又爽嫩，就算攤凍左，仍然保持香脆，好好食！黑椒葱爆安格斯牛柳粒我愛牛柳的肥美，它肥得來不會咬落一口油，脂肉比例恰到好處，所以越𡁻牛油香越出。黃椒紅椒等乾葱等又炒得香甜。個黑椒汁做得好出色！黑蒜蝦仁炒飯為牛柳粒送飯而點的，黑蒜帶點甜味，飯混入了翠肉瓜粒及蝦仁，配料簡單但炒得乾身且粒粒分明。用黎送小炒一流！沙茶芥蘭牛肉仔又一送飯之作，沙茶醬好惹味，芥蘭鮮嫩翠綠，牛肉片片都好滑嫩，出色！招牌脆皮乳鴿皮好薄，鴿肉食落帶咸香，小小一隻一開4，可以過下口癮！番薯糖水是餐廳送的，侍應姐姐見我地食得慢，特意留定兩碗俾我地，好貼心！食埋碗糖水就滿足而歸！呢度小炒好出色，不單有裝修，食物又有質素，值得專登黎幫襯！