和幸日本燒肉料理 (Closed)

第一次去呢間和幸，未上去之前，樓下同LIFT好似殘舊左少少，好似好唔得咁.......好在上到去，又幾有日本FEEL，有D魚網吊起幾得意，令我有返好感。兩個人搵左張比較入嘅卡位坐，之前SEARCH過上黎要食厚切牛舌同特選肉盛，我地再加叫左個一口芝士同冷灰烏冬，兩個人夠食喇。一口芝士比想象大，基本上要食"兩口"先得。芝士味算濃，合格！盤肉盛好大堆頭，裏面有薄切牛舌，衡量之下，都覺得厚切喺好食D，係比較爽多汁! 我朋友就鍾意食雞翼，個SIZE算細隻，快熟，入口"損"兩野食得晒，佢輕易成條骨吐出返黎，勁!!!!!反而因為雞翼想講一樣野。我覺得唔少香港人食韓燒食得太多，食開多汁味濃，係唔太知同日本燒肉有咩分別。日本燒肉係臨食之前先落調味，好多時只係落鹽。所以成日見人話入面無味，覺得好出奇。係指無調味? 定無肉味? 唔係食緊韓燒呀......成個感覺健康D，又無咁油。題外話講完，講返今餐。烏冬彈牙，不過唔睇個樣真係唔知有"炭"， 因為其實係唔會有炭味!!!!唔知如果真係有炭味嘅烏冬好唔好味呢？你又夠唔夠膽食。