今次全程都係交比屋企人負責叫野食，阿媽最鍾意就係食海膽同刺身，即刻就叫咗個海膽手卷同埋八品刺身盛合，海膽份量多，食落口都幾鮮甜。刺身種類好多，一盤可以試哂咁多款，刺身大件夾抵食，特別鐘意油甘魚，肉質鮮甜厚實，入口夠甘香。甜蝦大大隻，肉質唔霉，啖啖都係肉。
之後又叫咗個鰻魚飯，鰻魚分量十足，面頭有啲焦焦脆脆咁，口感豐腴，每塊鰻魚都好厚肉，唔會燒到乾乾柴柴咁，之前其他地方食嘅鰻魚都係薄薄地一塊，家母表示滿口都是鰻魚的感覺好滿足。
厚厚既玉子燒係我嘅最愛，之前喺日本食過簡直係令人難以忘懷，好彩俾我係呢度見到有得叫，即刻忍唔住就落左單，玉子燒蛋味濃郁，佢帶少少甜味，我自己prefer 呢種玉子燒，唔會太過甜膩。
唐揚魷魚鬚好惹味，新鮮岩岩炸起仲好辣口，條條都爽口彈牙，點埋個沙律醬就唔會咁膩啦，食多一盤都仲得！
蜜桃雪葩係我既最愛，最有心思既係佢係會有原隻水蜜桃送上，入邊滿滿都係雪葩。水蜜桃味香濃，佢個雪葩係偏雪糕嗰種，唔係好多冰個隻咁，食落較滑。
