鮪世市場 (Hung Wai Building) (Closed)

天氣咁熱，唔想食熱嘢，食壽司就最啱！呢間鮪世市場就係性價比高嘅日本餐廳。 鮪世壽司盛有大拖羅、油甘魚、金目鯛、帆立貝、磯煮鮑魚、海膽等，非常鮮甜。跟set仲有沙律、麵豉湯同滑捋捋嘅茶碗蒸。 燒三文魚卷火炙三文魚有少少焦香味，加埋魚籽有淡淡鹹味，一啲都唔腥。 油甘魚配沙律黑松露汁油甘魚刺身肉厚嫩滑，味道鮮甜。魚嘅油脂十分香，口感幼滑。配埋特製嘅黑松露汁同沙律菜，味道層次即刻豐富咗。 日式炸雞軟骨好脆口，炸得juicy唔會太乾。 總括刺身都好新鮮，仲非常厚切，啖啖甘甜鮮味。價錢唔貴，質素極高。