喜囍 (Closed)

食完桜當然唔會滿足，行到前面又有間手卷店第一眼俾門外「三文魚手卷全日10元」吸引住，即管試下啦。仲買埋沙律、刺身飯~三文魚手卷 $10收得我10蚊一條手卷，我自自然都會調整期望同要求。三文魚係碎碎一塊塊，好似餸頭餸尾，份量就唔算話特別少，但真係得面頭有。紫菜唔係好夠脆，可能因為賣10蚊條手卷，所以連包手卷張紙都冇…都算係將貨就價。如果俾我揀，就真係寧願俾多幾蚊食條正常手卷。蟹籽沙律 (確實價錢唔記得，但30蚊內)除左10蚊手卷，第二樣吸引我地注意嘅係呢兜沙律，因為見佢幾大兜，價錢唔貴，係唯一冇後悔點嘅。食落都唔錯，料夠多，蟹籽、青瓜、蟹柳，仲有幾塊生菜墊底，起碼係fresh的。伏食出現了！我真係覺得呢兩兜魚生飯好唔吸引，性價比超水準低。首先呢度嘅魚生飯可以自選，先揀飯嘅份量 ($15大/$10小)，再揀配料同數量。好難一一列清，例如：腐皮、墨魚 $3/片；吞拿魚腩、赤海蝦 $8/片；帆立貝、北寄貝 $12，單單咁睇落都唔貴呀可？刺身飯 $41我簡直唔敢相信自己對眼，我知~每樣點左一件，賣相咪咁衰囉…但問題係，我黎得太安樓，唔會expect要食個7、80蚊嘅刺身飯掛？！咁梗係按budge