熨烤達人 (Closed)

平試行開經過呢間韓燒一直都心郁郁想試，今次終於約到朋友去試啦！我哋六點半去到都唔算多人，好彩book得早，因為七點幾已經開始好full啦～一坐低左，就好快幫我地開着個爐加蛋邊，芝士同粟米都可以瘋狂落，超級正！😋原來餐廳做緊推廣，只要like Facebook就有得送野飲，可以揀士多啤梨或藍味。不過記得要攪勻先好飲，如果唔係飲到最後就會好甜🙈我地叫左呢個招牌嘅五花肉，上到嚟真係嘩一聲，好厚好肥美啊！店員好細心咁幫我地燒，燒左一陣已經聞到好香啦！🤤🤤🤤肥肉同瘦嘅部份啱啱好，好食！另外仲叫咗一款牛，燒一陣已經好juicy好嫩～費事食太多肉，我地仲叫左個水冷麵，入面個雪條棒好得意，溶左落碗麵到個感覺好清新😄中和一下頭先d肉類就啱啱好！呢個湯都好抵讚，超級鮮甜，入面啲峴都洗得好乾淨👍🏻總結今餐好滿意呀！😆下次應該會叫多啲人來食，咁就可以試到唔同嘅款式～😋除返開人均先百零蚊，cp值好高！