Read full review
2019-09-13
49 views
餐廳嘅裝潢好有特色，入門口左右兩邊係水泥牆身，左邊有發光嘅餐廳 logo，右邊有一幅好大嘅彩色璧畫，內容係一個非常嫵媚嘅女人，中間一列吧檯相當開揚，可以望住廚師喺入面準備食物，枱上面有一個只係大過A4少少嘅烤爐，同埋有兩個beer tap，唔知餐廳係咪有任飲嘅時段，可以俾顧客一路食住燒肉，一路喺枱面自斟自飲嘅呢?牛魔古法漬泡菜及前菜，嗌完嘢食之後前菜就立刻送上，泡菜嘅味道甚具特色，無坊間咁辣，更加食到泡菜嘅原味。食日式燒肉就梗係要嗌返杯日本啤酒嚟爽一爽啦，揀咗杯三得利生啤酒，啱啱上枱嘅生啤 head foam 足有三吋，靜待泡沫消散並落下嘅過程中，啤酒中部份嘅香氣同苦味成份就會散發出嚟，變成迷人嘅芳香；而碳酸亦都會轉趨柔和，令到個口感更加輕快淡雅，三得利係喺香氣方面充分表現啤酒花嘅芳香，而又能夠喺綿密的泡沫口感之中表現出淡雅麥芽風味嘅一隻啤酒。豆腐沙拉配芝麻汁，呢個豆腐沙拉嘅食材配搭非常之創新，除咗有基本嘅椰菜、青瓜同豆腐之外，最特別嘅係加入咗松子呢一個食材，松子嘅香脆令到食開嘅胡麻沙律醬更上一層樓。 日本特級帆立貝，一上枱仲以為呢個帆立貝係冷盤刺身，正想夾嚟食之際，店員細心提醒呢個
餐廳嘅裝潢好有特色，入門口左右兩邊係水泥牆身，左邊有發光嘅餐廳 logo，右邊有一幅好大嘅彩色璧畫，內容係一個非常嫵媚嘅女人，中間一列吧檯相當開揚，可以望住廚師喺入面準備食物，枱上面有一個只係大過A4少少嘅烤爐，同埋有兩個beer tap，唔知餐廳係咪有任飲嘅時段，可以俾顧客一路食住燒肉，一路喺枱面自斟自飲嘅呢?
牛魔古法漬泡菜及前菜，嗌完嘢食之後前菜就立刻送上，泡菜嘅味道甚具特色，無坊間咁辣，更加食到泡菜嘅原味。
食日式燒肉就梗係要嗌返杯日本啤酒嚟爽一爽啦，揀咗杯三得利生啤酒，啱啱上枱嘅生啤 head foam 足有三吋，靜待泡沫消散並落下嘅過程中，啤酒中部份嘅香氣同苦味成份就會散發出嚟，變成迷人嘅芳香；而碳酸亦都會轉趨柔和，令到個口感更加輕快淡雅，三得利係喺香氣方面充分表現啤酒花嘅芳香，而又能夠喺綿密的泡沫口感之中表現出淡雅麥芽風味嘅一隻啤酒。
豆腐沙拉配芝麻汁，呢個豆腐沙拉嘅食材配搭非常之創新，除咗有基本嘅椰菜、青瓜同豆腐之外，最特別嘅係加入咗松子呢一個食材，松子嘅香脆令到食開嘅胡麻沙律醬更上一層樓。
日本特級帆立貝，一上枱仲以為呢個帆立貝係冷盤刺身，正想夾嚟食之際，店員細心提醒呢個帆立貝係用嚟燒嘅，並且話雖然係用嚟燒，但係都用上咗刺身級嘅帆立貝嚟做材料，真係有啲衝動想食啖生嘅，侍應小姐將帆立貝嘅熟度掌握得好好，裏面仲有少少生，係我最鍾意嘅口感，用少少岩鹽嚟調味已經相當好食。
美國 prime 醬油牛肋骨兩件，睇住牛肋骨喺個爐上面燒緊嗰陣，所聞到嘅陣陣牛香都已經叫人食指大動，稱得上美國 prime 等級牛扒，牛味果然特別香濃，加上脂肪分佈平均，口感很好；調味方面有三款，分別係海鹽，岩鹽同埋日式燒肉汁，我覺得啲牛肉夠靚，簡簡單單以海鹽調味，甚至乎唔需要用調味都已經夠哂好食。
石頭伴飯，正宗嘅韓國傳統石頭鍋飯，一放上枱已經傳嚟熱燙嘅石鍋同埋裏面嘅食材發出嘅吱吱聲音，將中間嘅滑蛋搗爛，蛋漿緩緩流出，用嚟撈飯一流，鍾意食辣嘅朋友可以加埋隨附嘅韓式辣醬同埋kimchi，就更加惹味。
Post
