窩心鍋 (Closed)

擒日朋友話帶我去食好嘢。好耐冇食過好食嘅火鍋，所以就信佢一次去咗呢間係尖沙咀上樓嘅火鍋店。佢哋個裝修都幾特別同時尚，而且仲擺設咗好多有趣嘅公仔。環境非常舒服，而且服務員態度友善耐心地解釋菜單上的套餐。我們5個人點了一個四人餐，選了花膠魚唇滑雞湯做湯底。個湯底真係甜到爆而且好清香，一啲都唔膩。成隻雞嘅香味喺晒裏面。加上非常足料，好多厚身花膠同魚唇，一啲都冇欺埸。如果唔係個朋友叫住我，我成煲飲晒。其他材料都非常新鮮例如牛肉半肥瘦，而且牛味十足。個蝦丸勁彈牙同爽口新鮮到爆。個魚皮非常香口正。鱔片也新鮮。啲餃子都好新鮮同薄片。馬刀蜆鮮味十足。最後要提吓佢個邪惡午餐肉真係炸得趣卜卜香口。老實講，雖然係一個四人餐，但係啲料足到可以足夠五至六個人食，都可以食得飽。真係幾抵食！而且坐得舒服，食得開心。算我朋友冇介紹錯啦！