今日，誤打誤撞經過泰濃麵，門口有個餐牌，睇一睇，原來呢間主打食泰式粉麵，岩晒唔想食得太full既我。🤩
入到去，以圓木枱為主，左手邊有卡位，牆身仲有一啲充滿泰式風情嘅畫，仿如置身泰國水試市場咁😄
睇睇餐牌以粉面為主，湯底🥣有分船湯、清湯、冬陰公湯，我比較少食泰國湯麵🍜，唔知咩叫船湯，問過之後，原來係豬血、豬骨、黑胡椒等等熬出黎，清湯就係用雞熬出黎。
至於粉麵選擇都好多：河粉、金邊粉、薯粉、黃麵、湯飯。
安格斯牛肉🐮船湯金邊粉至於呢個安格斯牛肉🐮船湯金邊粉，味道都唔錯，因為係用🐷豬紅、豬骨等煲出嚟，而且有少少黑胡椒嘅味道，味道10分好吃，而且呢個湯底會配埋炸豬皮、魚蛋， 10分抵食
黑豚肉冬陰公湯金邊粉呢個冬陰公湯好香，而且裏面有好多料，例如：青口、大蝦🦐、菇類🍄等等
冬陰公湯味道很好，酸酸辣辣十分開胃，感覺仲好抵食添，因為出邊一碗冬陰公湯都要賣緊約$80不等，但係我$68可以飲到冬陰公湯之餘，又有黑豚肉、同埋金邊粉，簡直一舉兩得😋啱晒三心兩意嘅朋友。
烚通菜通常食晚飯，我都鍾意叫一碟菜🥬，呢度就有生菜同通菜嘅選擇，我哋就揀咗通菜，呢度嘅通菜好新鮮，而且份量亦都好多，亦都冇乜油份，所以食落去都非常健康。
呢餐飯好抵食，同埋好好味😋
走嘅時候仲發現原來呢度可以買炸豬皮、炸蝦片、泰式甜品回家下次都會過黎食
