雪山冰廳

今天次來到呢間已翻新的老字號
雪山冰廳

十幾年前做電腦sales来食過，果時仲係好舊，估唔到而家靚左咁多，阿姐客氣有禮。

今次叫天馬來特餐，先講炒旦入面仍加左小蝦仔，好正好味。再來面包係丹麥多士包，成本高，又鬆軟，正。。

再講碗面，係油面加米粉，好似好正宗，每碗有2隻大蝦，魚旦片同豆卜，個湯底亦交足貨，食落同乜媽乜媽果D專做馬拉面食的有得揮。仲有少少馬拉spicy sauce 加比休你一齊食，堅惹味。



見到隔離枱食緊即炸雞比，好似話係招牌貨，下次一E定要試下。