接住女友要求要試呢檔芒果pancake
難得過開紅磡嘛
響時新行過去都一段路
去到有成十個八個人等緊
位置響戲院斜對面
花多眼亂 樣樣都正 樣樣都想食添
大部分人都係買班戟
老闆會間唔時大叫有無人買雞蛋仔 格仔餅
因為會快d 有得食 唔駛排
最後揀左淨芒班戟同肉鬆班戟
睇住佢整 有趣
報紙上既老闆黑髮 但真人依家滿頭白髮了
不過都好好禮貌 見到小朋友好奇 行到好近睇佢整
佢又會好細心提小朋友唔好行咁埋 小心辣親
小店既人情味
我唔客氣啦
拎上手感覺都幾細件 但芒果都好多 食每啖都驚就跌左芒果出黎咁
而且芒果唔酸 好味
但食完芒果再食肉鬆就覺得怪怪的啦
可能甜完又咸
對比起黎就失色左
但講真 肉鬆都好好味 又係好足料
勁多肉鬆 正！
而且佢既班戟有厚度 有咬口
1
