桻之燒

去到東大街食飯，揸車去唔怕冇位泊，有個時租停車場平日都係$15個鐘，都化算喎。
見到間小店以日式串燒為主既桻之燒，雖然座位唔算好多，8:00入坐，好在唔洗等，剛好有位。

可以先唔看餐牌，齋看牆上掛著的幾十款木牌，已知點咩食，

見到每枱必叫乳鴿，我平時最愛醉雞，所以期待佢著名既太白鮮農場醉頂級乳鴿$158，都算大隻，唔只一開四咁少。店員一放下已聞到好大陣酒香味，滲晒入乳鴿，好香醇味道，肉質較實肉，唔會太淋。
 

醉頂乳鴿

$158

蒜蓉原隻象拔蚌

再叫了海鮮, 蒜香燒原隻象拔蚌＄88兩隻一碟, 好多汁，蒜蓉香味夠濃，
仲有叫了甲羅燒，滿滿蟹肉撈埋青瓜絲蟹籽，唔會太咸味。

甲羅燒每隻$88

$88

叫了二人套餐$468，有齊我地心儀菜色，先來前菜"一口蠔", 新鮮生蠔，加入蕃茄碎一齊食，好鮮味，個shooter 杯夠別緻。

生蠔

第二味係超大片既磯燒雞泡魚干，面層焦香，濃郁既蜜汁漿口，咬下厚片有口感，香甜。

磯燒雞泡魚干

選了清酒日本沙白, 外形好似蜆咁，好大隻，有成十幾隻。湯汁有陣陣酒香，清甜浸住蜆肉啖啖都係蜆汁。

清酒沙白

再來既係汁燒雞脾菇, 一串三塊，唔會燒濃，醬汁味帶出菇味。

同時間上既係美國安格斯牛小排串, 最愛燒牛肉粒，仲要係Angus beef ,好香牛味，唔會好油膩，串埋車厘茄同大蒜燒。

串燒當然唔少得雞翼，跟餐再散叫共四隻，有花雕醉香雞翼同鹽燒, 醉雞翼較甜蜜、鹽燒雞翼個雞皮較脆，帶出雞肉香味。

鹽燒發花雕醉雞翼

蝦多士平時試得多，第一次食蟹多士, 用鬆脆法包托底, 面層係蟹肉撈入沙律醬，再面洒上蟹籽，精美小食，像party finger food ,

蟹肉多士

好似未夠飽，套餐仲有一大碟飯，好震撼，一大個黑松露燒大啡菇意大利飯, 啡菇好像一塊扒咁大，黑松露味香噴噴, 意大利飯淋身，啱晒香港人口味，唔硬，食埋剛好。

黑松露啡菇意大利飯

最後叫飲品，巨蜂乳酸梳打同菠蘿乳酸梳打，不過因係溝糖精，較甜。

每人約$250 ，食到幾樣海鮮，勝在新鮮。