我哋去呢間和牛燒肉專門店喺來自東京非常有人氣嘅和牛燒肉專門店銀座炎蔵焼肉。餐廳位於荔枝角D2 Place，係銀座炎蔵喺海外第一間分店，裝修風格參照本店設計，融合咗江戶時代町屋風格同以前銀座嘅舊日本風情。餐牌亦同東京本店一樣主打日本產A4黑毛和牛嘅稀有部位，當中炎蔵和牛［極致］6點拼盤食材同配搭都同本店一樣，包含霜降、適中部位同赤身部位。我哋兩個點咗一客，再加一份和牛西冷薄切大判燒同沙律已經好夠食。😙
炎蔵和牛［極致］6點拼盤 $588
呢個拼盤嘅六個和牛和牛部位分別係和牛龜之甲、和牛內腿肉、和牛肋肉、和牛鞍下、和牛友三角同和牛羽下。
和牛內腿肉、和牛龜之甲
我哋先試屬於和牛赤身部位內腿肉同龜之甲，雖然係赤身部位油脂唔多，不過始終都係日本A4和牛嘅稀有部位，肉質都相當軟嫩而且牛味非常濃郁，口感非常清爽。👍🏻
和牛肋肉、和牛鞍下
和牛適中部位嘅牛肋肉同和牛鞍下口感比較柔軟，肉質同油脂感非常平均，牛味亦都係相當濃郁。😋
和牛友三角、和牛羽下
霜降部位係全隻和牛油脂最豐腴嘅地方，喺高級燒肉店最普遍食到嘅就係和牛上肋肉，而6點拼盤就選用咗比較稀有嘅和牛友三角同和牛羽下。呢兩個霜降部位油花分佈均勻細緻，口感極度軟嫩，肉汁非常豐富。😍
和牛西冷薄切大判燒 $238
大判燒黑毛和牛西冷大大塊，大火燒至5成熟左右沾上蘭王蛋漿食，入口除咗充滿和牛油脂香氣同蛋香之外，仲帶有少少焦香，非常惹味。😋
炎蔵沙律 $68
老婆加點的沙律好大份，沙律菜新鮮爽甜，配上小銀魚同特製醬汁，清新解膩。😙
埋單每位數500有找，價錢合理。👍🏻
