我地嗌咗一個啤酒set，有六款精選，由左邊飲到右邊，由淡口到濃味，佢有張紙仔寫返有咩特別同埋係咩口味，我地就偏愛第四款，之後就再點多咗杯。
牛油果蓉同脆片，一向嘅牛油果香，食埋就有少少飽。我地主菜點咗牛扒，牛扒油脂厚香，煎得剛好，加上薯仔嘅皮都非常香口，我地都覺得係香港難得好食嘅牛排。
雞肉配上牛油果蓉嘅墨西哥餅，配上沙律汁同菜，醬汁唔會好厚，食落好清爽。雞肉份量都唔少，加上唔會太乾，整體好味。
最後我地點咗brownie配雪糕同單點咗一份柚子雪芭，brownie會淋上巧克力漿，形成一層脆皮，口感更加豐富。柚子雪芭清新解膩，整體食物同酒水都唔差✌🏻
