八點幾嚟到要等四張枱，見食評講到咁正，梗係要試吓啦，所以照等。一坐低叫咗個冬陰功湯，諗咗一陣，之後叫埋個必食生蝦試下，之後再叫咗個蝦醬炒飯，仲有我好鍾意食嘅炸春卷，另外叫咗串燒三串雞三串豬⋯個春卷可以三條咁叫於是叫咗三條⋯⋯仲叫咗個炒芥蘭
最初試過冬陰功湯，超級失望，淡而無味，完全唔覺得佢係一間正宗泰國菜，感覺好似係加水煲完再煲嘅感覺⋯之後試食春卷，好多泰國菜舖嘅春卷都係自己新鮮製造，但佢個春卷係超級市場一包買嗰啲，超級失望！蝦醬炒飯冇蝦醬味，生蝦刺身不過不失，串燒最好味，但係個沙嗲醬只有花生味！
唔會再有下一次嘅機會
