881
85
18
Level1
2
0
2021-03-21 40 views
每次第一次去新餐廳,我會嗌餐廳嘅signature/recommended嚟試水準,所以我嗌左Top choice $109嘅 Cheeseburger 走洋蔥走酸瓜,+$41 combo regular fries & lemon sprite,睇睇眾人朝聖嘅Burger Joys是否名不虛傳。 味道及份量:個包幾鬆軟,就似麵包店會買到嘅腸仔包果隻包,我稱之為麵包界嘅記憶枕頭,㩒/咬扁完會升返起。即使burger 夾左餡料,有一定厚度,因為麵包嘅鬆軟,要一口咬落去成個burger都係冇問題的,唔使分拆幾層食。麵包內層有煎過嘅跡象,但食落唔脆,美中不足。 漢堡肉肉質唔錯,但我嫌薄,厚過蕃茄少少。蕃茄烹調時間拿捏得好,軟硬適中,平時對蕃茄冇咩興趣嘅我都幾 impressed。芝士溶落漢堡肉上,芝士味濃,很ok。醬汁應該係(秘製)千島醬,芝士和千島醬相得益彰,味道嘅層次分明。 礙於個人喜好,我走了洋蔥及酸瓜,沒有了酸味和洋蔥味刺激味蕾,應該令burger 失色不少,或者下次再試。 薯條外脆內軟,應該用左美國薯仔,因為薯仔夠香,即使鹽落得輕手,我都唔介意。薯條長身較幼,若果更粗身厚切,相信外
Read full review
每次第一次去新餐廳,我會嗌餐廳嘅signature/recommended嚟試水準,所以我嗌左Top choice $109嘅 Cheeseburger 走洋蔥走酸瓜,+$41 combo regular fries & lemon sprite,睇睇眾人朝聖嘅Burger Joys是否名不虛傳。

味道及份量:
個包幾鬆軟,就似麵包店會買到嘅腸仔包果隻包,我稱之為麵包界嘅記憶枕頭,㩒/咬扁完會升返起。即使burger 夾左餡料,有一定厚度,因為麵包嘅鬆軟,要一口咬落去成個burger都係冇問題的,唔使分拆幾層食。麵包內層有煎過嘅跡象,但食落唔脆,美中不足。

漢堡肉肉質唔錯,但我嫌薄,厚過蕃茄少少。蕃茄烹調時間拿捏得好,軟硬適中,平時對蕃茄冇咩興趣嘅我都幾 impressed。芝士溶落漢堡肉上,芝士味濃,很ok。醬汁應該係(秘製)千島醬,芝士和千島醬相得益彰,味道嘅層次分明。

礙於個人喜好,我走了洋蔥及酸瓜,沒有了酸味和洋蔥味刺激味蕾,應該令burger 失色不少,或者下次再試。

薯條外脆內軟,應該用左美國薯仔,因為薯仔夠香,即使鹽落得輕手,我都唔介意。薯條長身較幼,若果更粗身厚切,相信外脆內軟嘅效果更突出,薯仔味道+份量尚算對得起價錢。

其他:
以紙盒盛載,再用紙包住burger,看得出是用心的設計,方便進食而不弄髒手指。雪碧夠凍夠汽,唯汽水罐不太乾淨,罐上有其他貨品包裝?掉下的屑,建議大家用飲管暢飲。茄汁嘅樽身黐立立,影響使用手感。

Overall:未算得上好驚喜,少貴,burger溫度可更熱,份量好夠飽,整體味道ok好食。可以再去,試下小食同埋配其他醬料嘅薯條~

0 views
0 likes
0 comments
2 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2021-03-20
Dining Method
Dine In
Spending Per Head
$150 (Lunch)