中村藤吉 (Closed)

喺美麗華商場行完街想搵個地方大家坐下，食少少野傾下計，直行走到The One，諗起上面都曾經食過有幾間Cafe不錯，一於上去睇下。 樓下LOBBY 見到水牌大大個寫住中村藤吉先醒起原來香港都開左分店了，想試好耐，擇日不如撞日，今日有三個人，正係食甜品的好時機。人龍唔算多，等了15分鐘就有位了。每枱一壺茶，好精緻，自斟自飲，我最鍾意就係咁。三份甜品一齊上枱。例牌相機食先。白玉丸子綠茶紅豆甜湯（熱）＄78 綠茶甜湯味道好似奶昔咁，但係熱的，好濃郁的綠茶味，不會太甜。丸子一般都係無味的但勝在煙煙韌韌有咬口，配埋軟綿綿的日本紅豆，整體不錯呀。 京之精選 $98 綠茶蛋糕比想像中差，沒有濃郁既綠茶同焙茶味，與普通蛋糕無異，但尚算係鬆軟。雪糕內有少少碎冰，配上cream &紅豆蓉，可算是不錯配搭；栗子香甜、紅桑子醒胃。蛋糕扣晒分，呢款我認為試過就算了。 生茶啫喱「抹茶」$88 呢款係我地最期待的，但味道只係不過不失，原以為啫喱都會有濃郁既綠茶味，但味道並不突出、綠茶雪糕配上紅豆蓉+丸子。好在份量都算多，綠茶控應該都會幾歡喜。